المقاولةوحدة للإنتاج تعتمد على العمل والرأسمال النقدي والتقني(مال، آلات وتجهيزات) لإنتاج منافع (سلع)، أو خدمات لتلبية حاجيات المستهلك، وتسعى من وراء ذلك إلى تحقيق الأرباح. 

الاعتراف بالايراد في محاسبة شركات المقاولات؟ ماهى قيود اليوميه المطبقه على العمليات الماليه في محاسبة المقاولات؟ من خلال المقال هذاسنتعرف علي كيفيه الاعتراف بايردات ومصروفات اى عقد مقاولات،وازاى بيتم تسجيلها كقيود يوميه في نظام محاسبة شركات المقاولات المتكامل. خلينا نبدأ من نقطة اننا كشركة مقاولات دخلنا مناقصه وكسبناها واتعاقدنا فعليا مع العميل وبيانات العقد بالشكل ده: قيمة العقد : 1000000 جنيه التكاليف المقدره : 800000 جنيه مدة العقد :سنتين ماهى مراحل الاعتراف بالايراد في محاسبة شركات المقاولات؟

المرحله الاولى:

ودى المرحله اللى بنبدأ فيها ناخد دفعه مقدمه من العميل بتاعنا او مالك المشروع عشان نبدأ ننفذ شغلنا،والدفعه المقدمه دى هاتكون بمثابة التزام علينا لحد مانثبت استحقاق معين على المالك. قيد الدفعه المقدمه : 100000 من ح / النقديه (البنك) 100000 الى ح / عملاء عقود تحت الانشاء (العميل ..) (قيد اثبات تحصيل دفعه مقدمه من العميل ...مالك المشروع ....)

المرحله الثانيه:

من مراحل دورة محاسبة المقاولات وتطبيقها على برنامج محاسبة شركات المقاولات ودى مرحلة التنفيذ الفعليه وهنا بنبدأ نشتغل ونتكبد تكاليف فعليه وقبل مانبدأ في تسجيل التكاليف دى لازم نعرف اننا كمحاسبين بنتكبد نوعين من التكاليف :
النوع الأول: ودى التكاليف المباشره اللى بننفقها على المشروعات اللى ماسكينها ودول شوية بنود منهم واللى لازم نكون عارفين التوجيه المحاسبي السليم لبنود التكاليف دى في اطار محاسبة شركات المقاولات:

1-المواد والخامات المستخدمه مباشرة في المشروع زى الطوب والاسمنت الرمل وممكن المواد دى اكون بشتريها بشكل مباشر من الموردين وبوزعها على المشروعات او انى بشتريها واخزنها وبعد كدا اوزعها على المشروعات وعشان كدا خصصنا مقال عن انك ازاى تبنى نظام مخزنى متكامل.

2-اجور العمال اللى شغالين على المشروعات اللى انا ماسكها ودى بردو خصصنالها مقال بعنوان قيد الاجور والرواتب.